Rama i vendos në dispozicion Ndroqin për të ndërtuar kulla; edhe periferitë do të betonizohen

Kryebashkiaku i Tiranës Erion Veliaj duket se nuk ngopet me beton. Nuk ka mbetur një centimetër tokë në Tiranë pa u betonizuar, por duket se tashmë dora e tij do të prekë edhe Ndroqin.

Në mbledhjen e sotme të qeverisë, është firmosur

një vendim që e shpall Ndroqin zonë të re zhvillimore dhe ngarkohet Bashkia e Tiranës për zhvillimin saj. Por nëse shohim punët e Veliajt në Tiranë, zhvillim do të thotë pallate, beton dhe ndërtime.

Në mbështetje të nenit 100 të Kushtetutës dhe të neneve 13, shkronja “b”, nënndarjet “iii” e “iv”, e 16, pika 3, të aktit normativ nr.9, datë 16.12.2019, të Këshillit të Ministrave, “Për përballimin e pasojave të fatkeqësisë natyrore”, miratuar me ligjin nr.97/2019, me propozimin e Zëvendëskryeministrit dhe ministër i Shtetit për Rindërtimin dhe Programin e Reformave, Këshilli i Ministrave, vendosi: 1. Harta dhe koordinatat, që i bashkëlidhen vendimit nr.83, datë 31.1.2020, të Këshillit të Ministrave, ndryshohen, përkatësisht, me hartën dhe koordinatat bashkëlidhur këtij vendimi; 2. Ngarkohen Zëvendëskryeministri dhe ministër i Shtetit për Rindërtimin dhe Programin e Reformave dhe Bashkia Tiranë për zbatimin e këtij vendimi. Ky vendim hyn në fuqi menjëherë dhe botohet në Fletoren zyrtare”, thuhet në vendim.