Rama ironizoi programin e tyre, reagon Gazment Bardhi: Qetësohu! Ky është vetëm fillimi
Partia Demokratike ka prezantuar sot programin ekonomik ku Lulzim Basha është shprehur se do të angazhohet që të rimëkëmbë ekonominë.
Pas prezantimit të planit të tyre, reagoi Rama i cili ironizoi programin duke thënë se i ngjan tramvajit të Tiranës.
“Programi i PD në 2021 si tramvaji i Tiranës në 2011?Gjumë të ëmbël”,- shkruante Rama në postimin e tij.
Menjëherë ka ardhur reagimi i Sekretarit të Përgjithshëm të PD-së, Gazment Bardhi.
Përmes një postimi në rrjetet sociale, ai i ka kërkuar Ramës që të qetësohet, pasi ky është vetëm fillimi.
Sipas tij, shqiptarët do ta largojnë Ramën me 25 prill.
“Rama qetësohu. Ky është vetëm fillimi.
E dimë se ti nuk je mësuar të përballesh kurrë me angazhime serioze që do të mbahen e nuk do të shkelen. Pas 8 vitesh këtë e dinë shumë mirë të gjithë shqiptarët ndaj do të të largojnë më 25 prill”,- shkruan Bardhi.
Keni një histori? Denonco anonimisht, identiteti juaj mbrohet.
Denonco
