Rama ironizon deklaratën e Berishës

Kryeministri Edi Rama ka reaguar sërish ndaj kreut të Partisë Demokratike, Sali Berisha, këtë herë me një video të postuar në rrjetet sociale.

Rama, në këtë reagim që e ka quajtur ‘sy m’sy ke këneta’, nuk shfaqet vetë në video, por tregon imazhin e një bufi.

Krahas videos, dëgjohet edhe zëri i kreut të PD-së që thotë:

“Tani erdha këtu për të marrë çdo pyetje që ju dëshironi dhe preferoj pa ndonjë fyerje të veçantë nga unë të dëgjoj pyetjet tuaja”.

Nuk është hera e parë që Rama reagon me video me imazhe të tilla, reagime të cilat i lidh me opozitën.