Rama mbledh në Elbasan kryebashkiakët socialistë

Raportohet se Rama ka diskutuar me ta nisjen e sezonit të ri politik dhe objektivat për zgjedhjet parlamentare, që pritet të zhvillohen në periudhën 15 prill-15 maj, të vitit të ardhshëm.

Po ashtu pas pak kryeministri pritet të takojë në selinë e PS-së edhe deputetët socialistë.

Po ashtu është bërë e ditur se kryeministri do të mbledhë edhe Asamblenë Kombëtare të Partisë Socialiste, por nuk dihet ende data.

Risjellim në vëmendje se në mbledhjen e grupit socialist, Rama caktoi dhe drejtuesit politikë nëpër qarqe. Ai hoqi Vangjush Dakon nga drejtimi I qarkut të Durrësit dhe e mori vetë drejtimin e tij, Ilir Beqaj nga Kukësi kaloi drejtuesi I qarkut të Shkodrës, ndërsa Tirana u nda mes Elisa Spiropalit, Erion Veliajt dhe Ervin Bushatit.