Rama nga Sllovenia: BE të tregojë kujdes me armët!

Përditësuar më 1 September 2025, 18:57

Kryeministri Edi Rama ishte sot në Forumin Strategjik të Bledit ku mes të tjerash, ka folur edhe për armatosjen e BE.

Ai u shpreh se duhet të tregohemi të kujdesshëm me armatimin, pasi kjo mund të arrijë një pikë që në vend që armët të përdoren si mbrojtje ndaj armikut, mund të ndodhë edhe një luftë e brendshme.

“Europa ka qenë gjithmonë udhëkryqi ku kalojnë të gjithë jo fortesa ku shihesh me shumë filtra para se të jesh mik. Duhet të jemi miq përpara se të jemi aleatë.

Ta shndërrosh Europën nga një kontinent paqe në lufte, duke armatosur veten, larg qoftë para se të vijë armiku do shohim njëri-tjetrin nëse na punojnë armët apo jo. Pas fjalës vijnë veprat. Gjithmonë pro Europës pavarësisht gjithçka që mund të ndodhë”, tha Rama.