Rama “nxin” Bashën, falenderime për Gjermaninë mike

 Me një sfond të zi, duke nënkuptuar pjesën e errët dhe jo të vërtetë, kryeministri Edi Rama ka risjellë deklaratën e Lulzim Bashës bërë më 21 qershor në Kuvend dhe argumentin e tij se Gjermania është kundër negociatave të Shqipërisë sepse nuk ka plotësuar kushtet.
Menjëherë pas kësaj deklarate, në një video montazh që kreu i qeverisë e ka postuar në Facebook, vjen deklarata e djeshme e një politikani gjerman, Michael Roth. Në kontrast me liderin demokrat, Roth thotë se Shqipëria dhe Maqedonia kanë bërë progres dhe se Gjermania do të ketë votën e saj pro çeljes së negociata.

Deklarata e Roth erdhi pas mbledhjes së ministrave të Jashtëm të Bashkimit Evropian në Luksemburg, nga ku u mor vendimi që Shqipëria të nisë çeljen e negociatave për anëtarësim në Bashkimin Evropian në qershor të vitit 2019 nëse deri atëherë do të ketë treguar progres me reformat

https://www.facebook.com/edirama.al/videos/10155914130876523/