Rama përshëndet emigrantët në Ditën e Diasporës: Me mund e sakrifica ndihmojnë familjet në Shqipëri

Rama shkruan se përulet me respekt para tyre sepse me mund e sakrifica rrisin fëmijët në emigracion por nuk harrojnë të ndihmojnë as familjet e tyre në Shqipëri.

“Në këtë DITË TË DIASPORËS u uroj shëndet familjarisht të gjithë bashkëqytetarëve jashtë atdheut dhe përulem me respekt, përpara kujtimit e veprës patriotike të atyre që nga jashtë Shqipërisë, i dhanë vendit tonë gjithçka kishin, si edhe përpara punës së admirueshme të atyre, që e ngrenë lart emrin shqiptar në skenën e madhe të botës, pa harruar kurrësesi njerëzit e zakonshëm të këtij vendi, të cilët me mund e me sakrifica rrisin fëmijët e tyre në emigracion dhe ndihmojnë familjarët e tyre në Shqipëri”, shkruan Rama dhe ndan videon e mëposhtme.