Rama rrezikon burgun…

Orvatja e oficerëve të Ramës në media për të demotivuar votuesit e opozitës me tezën e bashkëqeverisjes është sondazhi më i vërtetë.

Halli i tij i madh: Opozita do të fitojë një shumicë të thellë në këto zgjedhje.

Edi Rama e di se një fitore e thellë e Opozitës do të zeronte gjithë pushtetin e tij në gjykata, media dhe ekonomi.

Ka emëruar gjykatësit e prokurorët e tij, ka dhënë me konçesion dhe ka mbytur me borxh gjithë buxhetin e shtetit për 30 vitet e ardhshme.

Fitorja me mbi 84 mandate e opozitës rrezikon edhe reformën e tij administrative, salamandrën elektorale që i jep atij mundësinë të fitojë në shumicën e bashkive.

Pa gjykatat, pa prokurorinë për të shantazhuar qeverinë e opozitës, pa mediat për të bërë propagandë dhe pa konçesionet si burime financimi nën dorë, Rama rrezikon burgun.

Krimet, korrupsionin, bashkëpunimin me mafian, marrëveshjet në dëm të interesit publik dhe interesave kombëtare i ka të shumta.