Rama: Shqipëria 2030 do të ngrejë flamurin e Skënderbeut e të Ismail Qemalit në oborrin e BE

Kryeministri Edi Rama, pas përfundimit të samitit të Procesit të Berlinit, ka deklaruar se Shqipëria u ul me dinjitet në tryezën e bisedimeve për anëtarësim me BE.

Rama shprehet se në në vitin 2030 Shqipëria do të ngrejë flamurin e Skënderbeut dhe Ismail Qemalit në oborrin e Familjes së Europës së Bashkuar në Bruksel.

“MIRËMËNGJES dhe me krenarinë e një dite të paharrueshme, ku Shqipëria u ul plot dinjitet në tryezën e bisedimeve për anëtarësim me Europën e Bashkuar, me të gjithë forcën e të vërtetave të arritjeve të mundimshme të këtyre viteve, të cilat morën të gjithë vlerësimin e merituar më në fund, si edhe me bindjen më të fortë se kurrë se Shqipëria 2030 do të ngrejë flamurin e Skënderbeut e të Ismail Qemalit në oborrin e Familjes së Europës së Bashkuar në Bruksel, ju uroj të gjithëve një ditë të re të gëzuar”, shkruan Rama në rrjetet sociale.