Rama sulmon opozitën: Kur kapen me presh në duar duke u betuar se do vrasin apo duke blerë vota…

Kreyeministri Edi Rama ka reaguar sërish në “Twitter” duke sulmuar opozitën pas arrestimit në Dibër të dy punonjësve të bashkisë, që dyshohet se po blinin vota për llogari të PS.

Kreu i qeverisë shprehet se opozita baltos PS-në, kur vetë “kapen me presh në duar duke u betuar se do vrasin apo do blejnë vota”.

“Vrasin, kërcënojnë, akuzojnë, inskenojnë kapje njerëzish pa lidhje me PS që të baltosin PS, e kur kapen me presh në duar duke u betuar se do vrasin apo duke blerë vota me zë e më figurë, shfaqen deri në fund ashtu si janë: Llumi i shoqërisë, mallkim i vjetër që do zhbëhet të dielën!”, tha Rama.