Rama tërhiqet nga rritja e çmimit të energjisë

Reagon Rama
NJË LAJM POZITIV dhe pse nuk do të hyjë në fuqi në tetor fasha 800KW për konsumatorët familjarë

Rama: Kursimi i energjisë është arma kryesore për ta kaluar këtë dimër pa kufizime energjie. Këtë e thotë logjika e kësaj krize globale. Disa në Shqipëri thonë se vendi ynë s’ka lidhje me krizën se ka ujë dhe HEC-e sa të duash, por nuk është e vërtetë. Sistemi ynë energjetik me HEC-et plot e përplot plotëson vetëm 75 % të nevojave. Ne po ecim sipas planit për të plotësuar 100% të nevojave dhe për ta bërë Shqipërinë një vend sovran për prodhimin e energjisë. Por ne do të vazhdojmë të dalim ën tregun ndërkombëtar. Megjithatë unë dhe kjo qeveri jemi këtu jo vetëm për të garantuar mbrojtjen e çmimit të energjisë të konsumatorëve familjarë, por edhe për të mos lënë gjë pa bërë që barra faktike dhe psikoligjike e kësaj lufte dhe inflacionit të lehtësohet sa më shumë.
Sot kam një lajm pozitiv pas një diskutimi që kemi zhvilluar mbrëme deri vonë. më 1 shtator kur vendosëm fashën, kërkesa nga KESH-i ishte 17 mijë kilovatë, sot është 11 mijë kilovatë.

VENDIMI I ERE
Enti Rregullator i Energjisë miratoi propozimin e Furnizuesit të Shërbimit Universal për aplikimin e rritjes së cmimit të energjisë elektrike për konsumin mbi 800 KwH për abonentët familjarë. Kështu që nga 1 Tetori abonentët familjarë që shpenzonin mbi 800 kwh do ta paguanin atë me 42 lekë për kwh.

Në analizën e bërë nga kompanitë rezulton se në muajin tetor prekeshin 49 mijë familje nga rritja e çmimit. Vetë kreu i ERE-s, Petrit Ahmeti tha se me vendimin e ri prekte 5 % e abonentëve familjarë, pjesa tjetër e tyre do të paguanin me çmimin 9.5 lekë për kwh.

Opozita pjesëmarrëse në mbledhje e kundërshtoi këtë vendim. Jorida Tabaku tha se rritja e çmimit të energjisë do të ishte kosto shtesë për familjet.

Në aplikimin që OSHEE përmes furnizuesit të shërbimit universal ka bërë në ERE thuhej se ky ndryshim në rritjen e çmimit të energjisë elektrike për sasinë e konsumuar nga klientët familjarë mbi 800 kwh në muaj do të rrisë shpenzimet e blerjes së energjisë për periudhën tetor-dhjetor me rreth 1.8 miliardë lekë ose rreth 16 milionë euro.