Rama tregon pamjet nga Shkodra/ Rikthehen anijet turistike në liqen

Kryeministri Edi Rama, mëngjesin e kësaj të hëne ka publikuar disa pamje nga Shkodra.

Ai tregon se në liqenin e Shkodrës janë ankoruar disa anije të vogla lundrimi për turistët.

Kreu i qeverisë deklaron se kjo gjë është bërë e mundur falë mbështetjes së Fondit Shqiptar të Zhvillimit.

“Mirëmëngjes,

dhe me dallëndyshet e para të linjës bashkiake të lundrimit turistik, që janë rikthyer këtë pranverë në Liqenin e kryeqytetit të Veriut pas viteve ‘30 të shekullit të shkuar, falë mbështetjes së Fondit Shqiptar të Zhvillimit për bashkinë e rilindur të Shkodrës, ju uroj një javë të mbarë”,, shkruan Rama.