Rama tregon si do lëvizin nga nesër qytetarët: Do ndryshojmë aktin normativ

Kryeministri Edi Rama ka bërë të ditura rregullat e reja sa i përket lëvizjes së qytetarëve në vend, si pasojë e situatës së krijuar nga COVID-19

Me një shënim në facebook, kryeministri sqaron se do të hiqet krejtësisht fasha orare e  lëvizjes në zonat e gjelbra, ndërsa shtoi se në zonat e kuqe, fasha orare e lëvizjes do të zgjate deri në orën 21:00

Po ashtu, duke filluar nga nesër, qytetarët në të gjithë vendin nuk do të kenë më nevojë të marrin autorizim për lëvizjen në këmbë apo me automjet.

Por ndërkohë vijon të jetë e ndaluar hyrja-dalja  e automjeteve në zonat e kuqe.

Kreu i qeverisë thotë se heqja e të gjitha autorizimeve të lëvizjes rrit ekspozimin ndaj koronavirusit, e për këtë i bën apel qytetarëve që të tregojën kujdes të shtuar.

Postimi i plote:
Nga nesër për javën në vazhdim, në bazë të vendimit të Ministrisë së Shëndetësisë:

FIERI KTHEHET NË ZONË E GJELBËR

HIQET KREJTËSISHT FASHA ORARE E LËVIZJES NË ZONAT E GJELBËRTA

FASHA ORARE E LËVIZJES NË ZONAT E KUQE ZGJATET DERI NË ORËN 21.00

HIQEN NË TË GJITHË VENDIN AUTORIZIMET PËR LËVIZJEN E KËMBËSORËVE APO AUTOMJETEVE

VAZHDON TË JETË E NDALUAR HYRJE – DALJA E AUTOMJETEVENË ZONAT E KUQE

QEVERIA DO TË NDRYSHOJË NESËR AKTIN NORMATIV PËR HEQJEN E NDALESËS SË STUDIOVE TV PËR TË FTUAR JO MË SHUMË SE NJË PERSON. DO TË MBETET VETËM KUSHTI QË TË FTUARIT TË VENDOSEN NË DISTANCË 2m NGA NJËRI – TJETRI

Miq, me heqjen e të gjitha autorizimeve të lëvizjes, ekspozimi ndaj infeksionit rritet shumë dhe barra e çdo individi për të ruajtur veten e të tjerët gjithashtu!

Ju lutem bëni më të mirën tuaj si deri tani dhe kujdes në mënyrën më të veçantë më të moshuarit e të sëmurët në familjet tuaja, të cilët duhet të vetëkufizojnë daljet maksimalisht

*Masa 14 ditore për të vetëkarantinuarit nuk ndryshon dhe shkelja e saj ndëshkohet nga ligji dhe Kodi Penal