Rama, ultimatum drejtuesve të policisë

Kryeministri Edi Rama ka zhvilluar një takim me drejtorët vendorë të policisë, kreun e Policisë së Shtetit, Muhamet Rrumbullaku dhe ministrin e Brendshëm Bledi Çuçin.

Rama ka kërkuar që të goditen zyrtarët e korruptuar dhe të zbardhet misteri i çështjes së Ervis Martinajt.

Sipas gazetarit Sokol Dema, Rama ka kërkuar gjithashtu angazhim maksimal të policisë për situatën para dhe pas zgjedhore për ruajtjen e rendit dhe sigurisë si dhe mospërfshirje të asnjë prej efektivëve të policisë në fushata të partive politike.