Rama ultimatum: Sot miratoni ligjin e medias

Kryeministri Rama pasi i etiketoi si të ‘palexuar’ dhe sulmoi me emra gazetarët që protestojnë para Kuvendit të Shqipërisë kundër paketës ‘Anti shpifje’ dhe renditi disa eksperienca personale që nga ‘transporti i të ëmës me ambulancë në spital‘ nga lajmet për familjen e saj si dhe etiketimin e ‘vajzës tonë si dashnore e një ministri‘ tha se këto projektligje duhet dhe do të kalojnë sot duke u çuar një mesazh dhe deputetëve socialistë.

“Gjykata dhe vetëm gjykata, jo AMA shqyrton rastin kur pretendohet shpifja. Ligji e ka të qartë. Ama konkludon çështjen. Nuk ka ligj të përsosur, por nuk mund ta shtyjmë në pafundësi miratimin e ligjit.
Do të miratohet sot si një e drejtë e gjithkujt të mbrohet nga shpifja. Ligji është 100 për qind me standardet europiane. Këtë nuk e them unë, por e kam të konfirmuar me shkrim nga institucioni i OSBE-së pasi u morën rekomandimet e BE u aplikuan 100 %.
Procesi vazhdoi me OSBE-BE“, tha Rama i cili mëse i vetëkënaqur tha dhe se aplikimi i paketës do të vijojë pas Vitit të Ri, pasi pret që Presidenti Meta t’ia kthejë mbrapsht Parlamentit.