Rama:Do të ndalohet hyrja e atyre që janë nën 18 vjeç në klubet e natës.

Kryeministri Edi Rama, pas mbledhjes së qeverisë në Kukës, ka bërë të ditur dhe vendimet që janë marrë.

Rama tha se  janë marrë disa vendime, siç është miratimi i vendimin për të ndaluar përdorimin e alkoolit nga të rinjtë, ku tha për shkelësit do të ketë sanksione të rënda.

Po ashtu numri  një i qeverisë shtoi se  do të ketë dhe një nismë tjetër që është ndalimi i fëmijëve nën 18 vjeç në klubet e natës.

“Do të ndalohet hyrja e atyre që janë nën 18 vjeç në klubet e natës. Hyrja e tyre do të mundësohet vetëm kur janë të shoqëruar me prindër apo mësues, në rast të kundërt nuk do të ketë asnjë tolerim. Do të shkoj deri në mbylljen e lokaleve deri në një periudhë një vjeçare, duke u bërë të pamundur dhe dhënien me qera të ambienteve”, tha Rama pas mbledhjes së qeverisë.