Raporti: Trupat izraelite i vodhën 25 Milion $ palestinezëve

Zyra e Medias në Gaza raportoi më 6 janar se ushtria izraelite ka grabitur rreth 25 milionë dollarë në para dhe posedime nga palestinezët në Gaza që nga 7 tetori.

Dhjetra dëshmi nga banorët e Gazës kanë detajuar vjedhjen e parave, floririt dhe pasurive nga ushtria okupatore izraelite, që llogaritet në rreth 90 milionë shekelë gjatë 92 ditëve të fundit.

Shembull: Në rrugën Salah al Din, trupat izraelite vodhën çanta që përmbanin pasuri të vlefshme para, ar dhe pasuri të tjera nga njerëzit që ishin zhvendosur nga Gaza veriore në jug.

Përveç kësaj, trupat izraelite kryen “vjedhje të shtëpive të banorëve të cilëve u kërkua të evakuoheshin”.

“(Ushtria izraelite) bëri fotografi kujtimi dhe videoklipe për këtë krim, disa prej të cilave u postuan në llogaritë e tyre në mediat sociale, siç ndodhi në qytetin Beit Lahia në Gazën veriore”, tha zyra e mediave.

Deri më tani nuk ka asnjë koment nga autoritetet izraelite për këto akuza.