Reagimi i deputetit: Në Durrës shkarkohet anija me 9,600 tonë grurë rus, ndërkohë gruri vendas mblidhet me 20 lekë/kg

SI MUND T’JA BËNI BUJQVE KËTË?!

E VËRTETA – TANI JENI TË MËDHENJ E ME PARA SHUMË, POR ORIGJINËN E KENI NË FSHAT MOR; SI MUND T’JA BËNI NJERËZVE TUAJ KËTË, SI?

Katër orë më parë, Autoriteti Portual Durrës ka njoftuar në profilet e tij se është shkarkuar grurë duke përdorur hinkat në port.

Pyes dhe mësoj se janë shkarkuar dy anije; të dyja të ngarkuara në portet e Detit Azov, pra origjina e grurit është Rusia; sasia diku tek 9,600 tonë, çmimi CIF DR 260$/ton; është vendosur në regjimin e magazinës doganore e do zhdoganohet sasi pas sasie me çmim burse.

Kush është, do pyesni ju; është njeri nga të pestët, më i madhi i tyre që kanë kthyer në kartel rrjetin e tyre të importit të grurit, miellit prej tij!

Po mirë, të kesh këtu në vend, grurë me tonelata të tëra nga vjet e grurë të ri nga ky vit, ta lësh pa mbledhur edhe me çmimin qesharak 20 lekë/kg dhe të shkosh e të blesh grurë në Rusi?!

ÇFARË ËSHTË? TRADHËTI E RËNDË PËR BUJKUN VENDAS, PRODHIMIN E TIJ!

Nuk di, nuk kam fjalë!