Reali dhe City barazim, me euro-golat e Vinicius dhe De Bruyne

Real Madrid dhe Manchester City barazuan 1-1 në ndeshjen e parë gjysmëfinale të UEFA Champions League të luajtur në “Bernabeu”, duke lënë të hapura llogaritë për aktin e kthimit me 17 maj.

Pjesa e parë u dominua nga “Qytetarët”. Në minutat e para, të besuarit  e Guardiolës ishin kërkues, madje pretenduan për një penallti pasi Dias dhe Haaland u rrëzuan në zonë, por për kryesorin loja duhej të vazhdonte.

Mbrojtja angleze u gjet e papërgatitur në minutën e 36-të. Camavinga shfrytëzoi shpejtësinë e tij për të dalë shpejt përpara, ai dha një pasim për Vinicius, me brazilianin që me një super-goditje nga distanca “shkundi merimangat”.

Në fillimin e pjesës së dytë, vendasit u afruan shumë me golin e barazimit. Kevin De Bruyne gaboi para portierit bashkëkombas Courtouis, duke shpërdoruar një rast që të vjen një herë në jetë.

De Bruyne shleu gabimin në të 67-tën, pasi vendosi ekuilibrat me një gjuajtje të bukur. Pavarësisht rasteve në fund, të dyja skuadrat u kënaqën me këtë rezultat dhe do kërkojnë biletën e finales në “Etihad”.