Referendumi i thirrur nga Berisha/ Albana Vokshi del me shifra: Ja sa demokratë kanë votuar për të shkarkuar Bashën

Albana Vokshi në një deklaratë për mediat ka bërë publike rezultatet e votimit në referendumin e thirrur nga Berisha për shkarkimin e Lulzim Bashës nga kreu i PD.

Sipas saj, është kërkuar që qendrat e votimit të mos mbyllen në orën 17:00, pasi ka ende demokratë për të votuar. Deputetja demokrate i bëri thirrje komisionerëve që të mbajnë të hapur qendrat derisa të votojë demokrati i fundit.

Po ashtu Vokshi tha se rezultati do të publikohet sapo t’i vijnë të dhënat nga komisionerët.

“Ky është raportimi i radhës për pjesëmarrjen në votimin e referendumit për shkarkimin e Lulzim Bashës. Raportimi bëhet sipas raportimeve nga komisionerët deri në orën 15:00.

Unë besoj që ju i keni marrë pamjet që është hedhur vaji i makinave në shkallë për të mos ecur njerëzit. Por asgjë nuk e pengon vullnetin e sovranit për të shkarkuar Bashën.

Deri tani që flasim votimi ka qenë i qetë, përveç një rasti në bashkinë Cakran.

Ka fluks në shumë qendra votimi, ndaj i lutem komisionerëve që të mbajnë hapur qendrat e votimit derisa të votojë demokrati i fundit. Nëse ka radhe të mos i mbyllin derisa të votojë demokrati i fundit.

Për shkak të fluksit shumë të lartë ne janë lutur shumë demokratë që ti presim për të votuar. Mbase e kemi të pamundur që ta japim në 5 e 30 rezultatin e votimit, mund të marrë pak më gjatë sepse do ti japim të drejtën e votës edhe demokratit e fundit”, tha Vokshi.

Pjesemarrja ne referendum deri ne oren 15:00, sipas Albana Vokshit

Shkodër 3066 demokrate

Lezhë 2670

Kukës 1550

Dibër 1529

Durrës 4840

Tiranë 7530

Elbasan 2796

Berat 893

Korcë 2655

Fier 3415

Gjirokastër 1288