Reshje të dendura shiu në qarkun e Elbasanit

Rikthimi i reshjeve të dendur të shiut në Qarkun e Elbasanit kanë sjellë probleme të shumta edhe në qarkullim e mjeteve.

Nga reshjet e dendura të shoqëruar me erë e breshër në disa zona ka patur bllokim qarkullimi në disa rrugë për shkak të vërshimit të ujërave dhe gurëve.

Mësohet se një pjesë e rrugëve në një lagjeje përgjatë rrjedhës së lumit Shkumbin në Librazhd për 30 minuta ishte e pakalueshme pasi uji përmbyti të gjithë zonën.

Ndërkohë në zonën ku ndodhet Spitali i Librazhdit nga stuhia u rrëzuan disa pemë dhe si rezultat i motit të keq u dëmtua edhe rrjeti shpërndarës i energjisë elektrike.

Ndërkohë agjencia e shërbimeve publike, emergjencat civile dhe OST janë mobilizuar në terren për të rikthyer normalitetin.