Revoltohen qytetarët në rrjete sociale për hapjen e liqenit, thirrje për t’u mbledhur në 18:00 tek Garda: S’mund të na ndaloni dhe ajrin që thithim
Sot shumica e qytetarëve të Tiranës që e kanë pasur ditë pushimi, i janë drejtuar parkut të Liqenit Artificial, për të pushuar e shëtitur, por në hyrje të tij janë përballur me policë e shirita “nuk lejohet të kalosh”.
Mbrëmë rreth orës 22:00 kryeministri Edi Rama njoftoi se edhe kjo fundjavë do të jetë si ajo e kaluara. Mirëpo ka pasur keqkuptime. Si me bizneset edhe me qytetarët. Parku i liqenit sot rezulton i mbyllur dhe nuk mund të futesh.
Ndërkohë në pamundësi për të vizituar plazhet apo parqe të tjerë, njerëzit janë revoltuar dhe kanë bërë thirrje në rrjete sociale për një grumbullim (protestë) në orën 18:00, tek Garda e Republikës, nga hyrja e pasme e liqenit, për të shprehur mos-dakortësinë e tyre me vendim për të mbajtur të mbyllur liqenin artificial në fundjavë.
Keni një histori? Denonco anonimisht, identiteti juaj mbrohet.
Denonco
