Ronaldo dhe Luis Figo ngushëllim identik për vdekjen e Kobe Bryant

Pas lajmit për rrëzimin e helikopterit që i mori jetën yllit të basketbollit, shumë sportistë të famshëm donin të bënin homazhe për legjendën e NBA-së me deklarata dashurie, shkruan “corrieredellosport”.

Të dy futbollistët portugezë janë kritikuar ashpër në rrjetet sociale pasi teksti është marrë “Copy-Paste” duke treguar mungesë respekti për të ndjerin.

Së fundmi në media thuhet se Ronaldo dhe Luis Figo mbase kanë të njëjtin menaxher të rrjeteve sociale i cili nuk është treguar i kujdesshëm.

“Shumë i shqetësuar kur kam dëgjuar lajmin për vdekjen e Kobe dhe vajzës së tij Gianna. Kobe ishte legjendë e vërtetë dhe inspirim për të gjithë. I dërgoj ngushëllimet e mija për familjen dhe shoqërinë e tij dhe familjet e atyre që kanë humbur jetën në aksident. Pusho në paqe, legjendë”, Ronaldo shkroi i pari ngushëllimin në “Twitter”.

3 orë nga ky postim, vjen edhe mesazhi i Luis Figos në mënyrë identike:

“Shumë i shqetësuar kur kam dëgjuar lajmin për vdekjen e Kobe dhe vajzës së tij Gianna. Kobe ishte legjendë e vërtetë dhe inspirim për të gjithë. I dërgoj ngushëllimet e mija për familjen dhe shoqërinë e tij dhe familjet e atyre që kanë humbur jetën në aksident. Pusho në paqe, legjendë”, shkroi Figo në “Twitter”.