Rrëfimi i Xhevit Sinanit: Gruan e torturova me sëpatë dhe vuajti, vëllai ma ngacmonte

Gruan e torturova dhe e mbyta. Vuajti shumë, e godita dhe me sëpatë. Vëllai nuk vuajti”, mësohet të jetë shprehur në dëshminë e tij makabre 80-vjeçari.

Në fillim ai është shprehur se  nuk mban mend asnjë detaj nga krimi i dyfishtë në Gramsh. Pas arrestimit, ai u pyet nga hetuesit, por 80-vjeçari deklaroi në mënyrë të qetë se i kishin vdekur dy të afërmit, teksa mohoi se i kishte vrarë ata.

“Më ka vdekur vëllai dhe gruaja. Di që kanë vdekur, por se di s’mbaj mend gjë. S’i kam vrarë”, mësohet të jetë shprehur i moshuari. Xhevat Sinani vrau gruan e tij, Zegjinenë, 72 vjeç, brenda banesës së tyre dhe më pas Shaqirin të vëllanë, po 72 vjeç. Pas krimit, ai ka shkuar tek disa të afërm të tjerë në fshat afër Tervolit dhe u ka rrëfyer vrasjet.

80-vjeçari qëlloi fillimisht gruan e tij brenda banesës dhe me një tjetër sëpatë ndoqi të vëllanë në vreshtat e rrushit dhe e masakroi për vdekje. Më pas ai u arratis, për t’u kapur pas disa orësh nga policia. Dyshimet e para janë se autori vuan nga probleme mendore, teksa rrethanat që e çuan në këtë krim janë ende të paqarta.