Rritja abuzive e çmimeve, vendimi: Gjobë 5 milionë lekë
Kryeministri Edi Rama ka marrë një tjetër vendim të rëndësishëm për rritjen abuzive të çmimit nga të gjitha subjektet, për mallarat dhe produktet e çfarëdolloji.
Kush ka rritur çmimet abuzivisht, krahasuar me çmimin e tregtuar në të njëjtën periudhë kohore të vitit paraardhës, dhe nëse rritja nuk ka ardhur si pasojë e çmimit nga importi i tyre, dënohet me gjobën 5 000 000 (5 milionë) lekë për shitjen me shumicë dhe 100 000 (njëqind mijë) për shitjen me pakicë.
Në rast përsëritjeje subjektit i mbyllet veprimtaria për 6 muaj.
Njoftimi i Ramës:
Rritja abuzive e çmimit të shitjes të të gjitha mallrave dhe produkteve ushqimore, barnave, pajisjeve mjekësore dhe shërbimeve, në krahasim me çmimin e tyre në shitje të rregullt të tregtuar në muajt paraardhës nga data e hyrjes në fuqi të këtij akti normativ dhe për produktet sezonale, sipas çmimit të tregtuar në të njëjtën periudhë kohore të vitit paraardhës nga data e hyrjes në fuqi të këtij akti normativ, kur nuk vjen si pasojë e çmimit nga importi i tyre, dënohet me gjobën 5 000 000 (5 milionë) lekë për shitjen me shumicë dhe 100 000 (njëqind mijë) për shitjen me pakicë.
Në rast përsëritjeje subjektit i mbyllet veprimtaria për 6 muaj.
Keni një histori? Denonco anonimisht, identiteti juaj mbrohet.
Denonco
