Ruçi nuk pranon të mbledhë Këshillin e Mandateve

Një situatë e çuditshme dhe e paprecedentë është duke ndodhur në Shqipëri në këto momente.

Prokuroria e Krimeve të Rënda ka bërë një kërkesë zyrtare për heqjen e mandatit dhe arrestimin e ish-ministrit të Brendshëm.

Prokurorët kanë shkuar në selinë e Kuvendit dhe kanë dorëzuar dokumentet. Këtu fillon e çuditshmja.

Kreu i Kuvendit Gramoz Ruçi duket se ka vendosur që ta marrë në mbrojtje Saimir Tahirin. Sipas deputetit të PD-së, Eduard Halimi, Gramoz Ruçi nuk ka ardhur ende në Kuvend.

Halimi tha se kishte pasur një komunikim me Ruçin, por ai i kishte thënë që nuk kanë ardhur dokumentet dhe nuk ka parë asnjë letër të prokurorisë.