Rudina Hajdari dhe Lefter Koka deputetë në listat e Ramës në 2021?

Pas emërimeve në poste të rëndësishme të Ridvan Bodes dhe Majlinda Bregut, Rama po përgatitet për një tjetër diversion të madh në 2021, piketon Rudina Hajdarin dhe Lefter Kokën për t’i bërë deputetë të PS, Braçe-Ruçi-Balla elozhe Rudinës

Rudina Hajdari dhe Lefter Koka, të përjashtuar nga partitë e tyre PD-LSI pasi refuzuan skenarin e dyshes Meta-Berisha për djegien e mandateve, mund të bëhen sërish deputetë në zgjedhjet parlamentare të 2021, duke i përfshirë Edi Rama në listën e Partisë Socialiste. Kjo lëvizje pritet të jetë një nga taktikat dhe diversionet e Edi Ramës në zgjedhjet parlamentare të 2021, ku Rama kërkon edhe një mandat të tretë, mandat për të cilin sipas Jozefina Topallit, ka marrë miratimin e Bashës në këmbim të ndarjes së parave publike me kunatin e këtij të fundit.