Rumunët nuk ndalin protestat kundër qeverisë

Mijëra rumunë kanë marrë pjesë sërish në protesta kundër qeverisë në kryeqytetin rumun, Bukuresht, një ditë pas përplasjeve që shkaktuan më shumë se 450 persona të plagosur.

Protesta pranë zyrave të qeverisë ka qenë e zhurmshme, por e qetë.

Protesta të ngjashme janë shënuar dhe në qytete si Cluj, Sibiu, Timisoara dhe Iasi.

Më shumë se 50 mijë persona dolën në rrugë kundër asaj që ata e përshkruajnë si korrupsion masiv, pagave të ulëta dhe kundër përpjekjeve të partisë në pushtet për të dobësuar sistemin gjyqësor.