Sa do të paguhen mjekët specialistë duke nisur nga muaji prill

Kryeministri Edi Rama ka bërë me dije se duke nisur nga muaj prill, mjekët specialistë do të marrin 50 mijë lekë të rinj më shumë përveç pagës.

Rama deklaroi nga mbledhja e Kongresit të Shëndetësisë, se qeveria do të mbajë zotimin për rritjen me 7% të pagës për mjekët e përgjithshëm dhe infermierët.

“Në këtë prill mjekët specialistë do të marrin 50 mijë lekë të rinj pagë më shumë. Janë 500 dollarë në muaj plus. Do të mbajmë zotimin për rritjen me 7 % të pagës për mjekët e përgjithshëm dhe infermierët”, tha Rama.