Rama ka 10% pushtet më shumë se Ramiz Alia!

Kryetari i Partisë Demokratike Sali Berisha deklaroi në një takim me intelektualët në Pogradec se sot pushteti është i përqëndruar në një dorë të vetme, atë të Edi Ramës më shumë se pas shkurtit 1991.

Berisha tha se sot jetojmë në një monizëm të plotë ndërsa shtoi se studiuesit kanë nxjerrë se Edi Rama ka 10 për qind më shumë pushtet se Ramiz Alia.

“Ju trajtuat jo vetëm problemet më të mëdha që përballet jo vetëm Pogradeci, por krejt Shqipëria. Në 8 vite, shoqëria, kombi dhe vendi është në një rrokullisje në disa aspekte të paprecedentë.

Sot jetojmë në monizëm të plotë. Nuk kemi kampe përqendrimi dhe burgje, por sot pushteti është i përqendruar në 1 dorë më shumë se pas shkurtit të vitit 1991. Studiuesit kanë nxjerrë se Rama sot ka 10% pushtet me shumë se Ramiz Alia.

Ramiz Alia ishte një diktator, kishte predikuar idelogjinë më terroriste të kohës, atë staliniste. Ai e dinte që kishte kryer krime të rënda, por megjithatë ai nuk bëri një akt, që bëri Rama.

Ai nuk tentoi të blejë opozitën. Nuk e donte opozitën. Edi Rama në mënyrë makabre arriti në një mënyrë që të dëmtojnë në mënyrë të tmerrshme opozitën dhe opozitarizmin.

Personalisht e kam pyetur veten: Çfarë po ndodh me ne? Cili është shkaku më themelor i këtij largimi masiv të shqiptarëve nga Shqipëria. I kësaj shpërbërje. Cili është shkaku që sot pasuritë publike të këtij vendi, janë shndërruar në mallkim kombëtar, njëlloj si dikur në vendet koloniale.

Angola, është vendi më i pasur në botë në çdo gjë, diamante, naftë e çdo gjë. Ne, Angola dhe Uganda në vitin 1992, ishim në 3 vendet më të varfra në botë. Ne kishim pasur një diktakturë, ndërsa ata kishin qenë një koloni.

Sot pasuria jonë kombëtare është një mallkim në çdo lloj aspekti. Në të gjitha fushat. Ishte një fitore e jona, kur ne në vitin 2013, u bëmë eksportues qumështi.

Por çfarë ka ndodhur tani? Një therje masive e lopëve të rracës. Pse? Sepse politika ka rritur çmimin dengut të barit, aq sa nuk e nxjerr me qumësht ai blegtori. Janë therur, 670 mijë krerë, 130 mijë lopë dhe të tjerat të imta e me radhë. Sot ne jemi importues të qumështit pluhur.

Sot ke në zonën e ullirit me qindra e mijëra ton vaj të pashitur. Pasuria u është kthyer në mallkim.”-tha Berisha.

“Rama flet vetëm për kanabis”, Berisha: Shqipëria u shndërrua në kavie të doktrinës të Soros! 420 mln për djegësat dhe asnjë nuk funksionon!

Kreu i PD Sali Berisha, në një bashkëbisedim me intelektualë në Pogradec ka hedhur akuza ndaj kryeministrit Edi Rama. I ndalur tek reforma në drejtësi, Berisha tha se ishte një vegël në duart e Xhorxh Soros, duke shtuar se Shqipëria u shndërruar në kavie e doktrinës së Xhorxh Soros.

“E thatë ju 22 mln km, me 3 mln në Europë. 600 mijë euro për shkolla në BE, 3 mln e ndërton Erion Veliaj në Tiranë dhe rreh gjoksin me vjedhjen e tij. Tenderat djegësat, 420 mln asnjë prej tyre nuk funksionon. Falimentojnë bashkitë, ndërmarrja është e Edi Ramës dhe Erion Velisë. Çmimet janë stratosferike dhe të rritura me Bord me qëllim që të shtohen të ardhura nëpërmjet TVSH. Amnistia është vrastare për konkurrencën, nuk ka më konkurrencë. Dil ti atje dhe bëj para me para. Kemi një shtet që është shndërruar në një makineri të tmerrshme vjedhjeje, shkatërrimi. Sa i përket drejtësisë, kur nisi reforma e kam mbështetur sepse nuk ka asgjë më shumë se një rëndësi të pavarur. Por Xhorxh Soros kishte një projekt, unë e njoh shumë mirë. Kjo reformë i ka prerë shtetit shqiptar kolonën vertebrale, harta është në kundërshtim me ligjin. Shqiptarët kanë humbur falë kësaj reforme për të pasur një proces gjyqësor të drejtë. Sepse ligji thotë jo vetëm proces transparent por edhe në kohë, se nëse nuk e merr të drejtën në kohë ai edhe mund të vdesë. S’ka më të drejtë reale për qytetarët e këtij vendi falë reformës së Xhorxh Soros, tani e vërteta po bëhet gjithnjë e më e qartë. Shqipëria u shndërrua në kavie e doktrinës së Soros. Ramën e keni dëgjuar ai flet për kanabis, nuk flet ai për kulturë bujqësore. Promotor kryesor i ndalimit të luftës kundër drogës është Xhorxh Soros. Këtu ai ka Edi Ramën.”, tha Berisha.

Të tjera probleme të cilat Berisha i trajtoi në këtë takim ishte edhe ai shëndetësor, duke u shprehur se mjekët paguhen me pak në krahasim me rajonin dhe sipas tij kjo nuk është e paqëllimshme.

“Sot në jemi 30 % nën Kosovën dhe kjo nuk është  e paqëllimshme. Njeriu që qeveris e di qe investimi në resurse njerëzore është kryesor por ai i lë të ikin. Borxhi është rritur në 107 %. Kultura është e rrënuar. Kjo është një nga periudhat më të rrezikshme për identitetin tonë si komb. Bëri gjithçka për të paraqitur paqebërës një xhelat si Vuçiç.