Seanca e të mërkurës, Rama e Ruçi urdhërojnë deputetët: Bëni sikur opozita nuk ekziston!

Pas urdhrit të Edi Ramës për të gjithë eksponentët e qeverisë dhe Partisë Socialiste, që të shmangin debatin me opozitën nëpër studio televizive një hap tjetër është ndërmarrë nga kryetari i Kuvendit, Gramoz Ruçi, në këtë linjë.

Ky i fundit pasi ka bërë çorbë datat e mbledhjes së parlamentit në përpjekje për të shmangur protestat, së fundmi ka vendosur që të mbledhë seancën ditën e mërkurë, po sërish nuk ka dhënë asnjë orë se kur do të nis ajo. Por ajo që bie në sy është porosia-urdhër që u ka dhënë deputetëve Ruçi në mbledhjen e sotme të Grupit Parlamentar të PS; mos thoni asnjë fjalë, shmangni plotësisht komentet për opozitën në fjalimet dhe diskutimet tuaja.

Çdo ditë e më shumë Partia Socialiste dhe Grupi Parlamentar i saj, po i ngjan “një kopeje me dele”, të cilat orientohen kokë-ulur sipas shkopit të çobanit Rama. Urdhri i tij dhe së fundmi ky i Ruçit, që i detyron eksponentët e partisë dhe deputetët se çfarë të bëjnë dhe çfarë jo, tregon se deri në çfarë pike ka mbërritur kokë-ulja, e të zgjedhurve të Partisë Socialiste.