Seks në këmbim të kalimit drejt Greqisë, Policia e Shtetit merr vendimin drastik ndaj policit në Kakavijë

Pas zbulimit të skandalit kur një punonjës policie në Kakavijë kërkonte favore seksuale për të kaluar në mënyrë të paligjshme drejt Greqisë, Policia e Shtetit ka marrë masa drastike në drejtim të tij.

Sipas një komunikate, punonjësi i policisë është përjashtuar menjëherë nga radhët e forcave të rendit.

Policia e Shtetit:

Duke marrë shkas nga transmetimi në një emision investigativ, i shkeljes së rëndë të kryer nga punonjësi i Policisë P. Ç., trup shërbimi në Drejtorinë Vendore për Kufirin dhe Migracionin Gjirokastër, Drejtoria e Standardeve Profesionale në Policinë e Shtetit bëri përjashtimin e menjëhershëm  të këtij punonjësi policie nga radhët e Policisë së Shtetit.

Policia e Shtetit falënderon median dhe qytetarët dhe i inkurajon ata që të denoncojnë çdo abuzim me detyrën, nga punonjësit e Policisë, duke i garantuar reagim të menjëhershëm dhe të paanshëm.