Sekuestrohen 1 kg kokainë në Qafë Thanë
Një sasi e madhe kokainë është sekuestruar ditën e sotme nga policia gjatë kontrollit të ushtruar në kufi të gjelbër në afërsi të territorit maqedonas.
Siç bëhet me dije nga policia, sasia e kokainës e sekuestruar është rreth 1 kg e 144 g kokainë, ndërsa ende nuk është arrestuar asnjë person për drogën në fjalë.
“Më datë 17.04.2018, shërbimet e Policisë Kufitare Qafë Thanë, gjatë kontrollit të ushtruar në kufi të gjelbër, në afërsi të territorit maqedonas gjetën dhe sekuestruan në cilësinë e provës materiale një pako me peshë 1 kg e 144 gramë lëndë të dyshuar narkotike të llojit kokainë. Punohet për identifikimin dhe kapjen e autorit.” informon policia e Korçës.
Keni një histori? Denonco anonimisht, identiteti juaj mbrohet.
Denonco
