Sekuestrohen mbi 41 kg heroinë në një automjet, pranga të riut në Tiranë

Sekuestrohen 41 kg e 700 gram heroinë në një automjet në Tiranë, ndërsa në pranga ka rënë një 31-vjeçar. 

Në kuadër të operacionit të koduar ‘Fushë e kuqe’ pas hekurave ra Armando Papa, banues në Fushë Kuqe, ndërsa u shpall në kërkim bashkëpunëtori i tij, shtetasi R. G., banues në Sukth.

NJOFTIMI I POLICISE

Finalizohet me sukses megaoperacioni policor i koduar “Fusha e kuqe”, nga Seksioni për Hetimin e Narkotikëve në DVP Tiranë. Operacioni bazuar në inteligjencën informative për goditen e veprimtarisë kriminale në fushën e drogave të forta.

Vihet në pranga drejtuesi i automjetit që transportone heroninën. Shpallet në kërkim bashkëpunëtori i tij. Specialistët e Seksionit të Hetimit të Narkotikëve, në vijim të operacioneve për goditjen e veprimtarive kriminale në fushën e narkotikëve, bazuar dhe në informacionet e siguruara përmes inteligjencës informative se një sasi e madhe lënde narkotike heroinë po transportohej me një automjet tip “Benz”, kanë organizuar dhe finalizuar operacionin policor të koduar “Fusha e kuqe”.