Serbi Aleksandar Veselinovic, do të jetë trajneri i Partizanit

Aleksandar Veselinovic, do të jetë trajneri i Partizanit. Klubi i kuq i ka dhënë fund të gjitha dyshimeve, sa i përket timonierit të ri.

Prezantimi i teknikut serb, do të bëhet pasditen e kësaj të hëne, në ambientet e klubit të kuq.

Skuadra e fundit që 54-vjeçari ka drejtuar është Al Dhafra në Emiratet e Bashkuara Arabe. Gjithashtu vlen të theksohet fakti se serbi Veselinoviç ka drejtuar edhe skuadra të tjera si Ponedelnik, Suduva, Vojvodina, Spartak Subotica, Çukariçki dhe Al Batin. Gjithashtu ai ka qenë trajner edhe i kombëtares së moshave të Serbisë.