Shapka kundër Berishës: Pamjet virale që po pushtojnë rrjetet sociale

Një grua e moshuar është kthyer në ‘hit’ në rrjetet sociale për reagimin e saj të pazakontë ndaj kryetarit të Partisë Demokratike, Sali Berisha.

Pamjet, të cilat janë shpërndarë me shpejtësi në platforma të ndryshme online, kanë ngjallur reagime të shumta për mënyrën e drejtpërdrejtë me të cilën ajo shpreh pakënaqësinë e saj.

Në video, momenti kulmor vjen në çastin kur Berisha nis fjalimin gjatë protestës së zhvilluar të shtunën.

Teksa pamjet transmetohen në televizor, e moshuara i afrohet ekranit dhe fillon ta godasë me shapka, duke shpërthyer në thirrje kundërshtuese.

“Ik se na mërzite”, dëgjohet të thotë ajo, në një reagim spontan që ka tërhequr vëmendjen e publikut.

Videoja tregon qartë se gruaja nuk fsheh aspak qëndrimin e saj kritik ndaj kreut të opozitës, i cili organizoi protestën kundër qeverisë së kryeministrit Edi Rama.

Pamjet janë bërë virale brenda pak orësh, duke u shoqëruar me komente, ironi dhe diskutime të shumta në rrjetet sociale, ku përdoruesit kanë reaguar në mënyra të ndryshme ndaj episodit.