Sherr dhe të shtëna armësh në Shkodër, Policia arreston 4 vetë dhe parandalon vrasjen

Policia e Shkodrës ka arritur të parandalojë përshkallëzimin e një konflikti të çastit, ku njëri prej personave ka qëlluar në ajër me pistoletë . Falë reagimit të shpejtë u arrestuan në flagrancë dy personat e përfshirë në konflikt  si dhe dy shokët e tyre për moskallzim krimi.

Nga Policia Shkodër dhe Forca e Posaçme “Shqiponja”, u arrestuan në flagrancë shtetasit:

Enton Dushaj, 33 vjeç, banues në lagjen “Vojo Kushi”, Shkodër, për veprat penale “Mbajtja pa leje dhe prodhimi i armëve shpërthyese dhe municionit”, “Kanosje” dhe “Prishje e qetësisë publike”

Kristian Shkambi, 26 vjeç, banues në lagjen “Skenderbeg”, Shkodër për veprën penale “Moskallëzim krimi” parashikuar nga neni 300 i Kodit Penal

Ardit Bajramaj, 27 vjeç, banues në fshatin Llazan, Malësi e Madhe, për veprat penale “Moskallëzim krimi” dhe “Mbajtje pa leje dhe prodhim i armëve, i armëve shpërthyese dhe i municionit”.

Eduart Bajramaj, 38 vjeç banues në fshatin Llazan, Malësi e Madhe, për veprën penale “Moskallëzim krimi” parashikuar nga neni 300 i Kodit Penal

Arrestimi i tyre u bë pasi në lagjen “Vasil Shanto”, Shkodër, në një lokal, shtetasi Enton Dushaj është konfliktuar me shtetasin Eduart Bajramaj.
Dushaj, në largim e sipër ka qëlluar një herë në ajër me armë zjarri, pistoletë.

Me marrjen e njoftimit, Policia ka reaguar në kohë, duke i kapur dhe arrestuar dy shtetasit e përfshirë në konflikt si dhe dy shtetas të tjerë për moskallzim krimi, shokët e tyre).

Policia po vijon punën për gjetjen e armës së zjarrit të përdorur nga shtetasi Enton Dushaj.

Materialet iu referuan Prokurorisë Pranë Gjykatës së Shkallës së Parë Shkodër për veprime të mëtejshme.