Sherri mes dy taksistëve goditet me thikë 24-vjeçari

Një konflikt mes dy taksistëve ka ndodhur dje në Sarandë, ku për pasojë është plagosur rëndë 24-vjeçari Ismiraldo Hoxha.

Korrespondenti ynë raporton se ngjarja ndodhi në shesh-pushimin e taksive në rrugën Turizëm -Kanali Cukës.

Si pasojë e goditjes me mjet prerës 24-vjeçarit i janë prerë tendinat e gishtave të dorës dhe është nisur me Urgjencë në Spitalin e Traumës në Tiranë.

Policia ka arrestuar autorin Bilal Lamçe, 32-vjec, banor nga Tirana por me banim të  përkohshëm  në Sarandë.

Shkak është bërë  një  konflikt për motive të dobëta lidhur me klientelën pasi i plagosuri punon taksist i licensuar ndërsa  autori i palicensuar. Ky i fundit prej vitesh është  i punësuar  si picier në një biznes privat në Sarandë.