Shirat rrëmbejnë urën “elektorale” të Orgockës

Shirat e ditëve të fundit kanë hedhur në lumë urën e Orgockës në rrethin e Kolonjës. Sipas të dhënave nga ky rreth, ura ka dalë jashtë funksionit.

Si pasojë, është ndërprerë qarkullimi mes Ersekës dhe Përmetit. Mësohet se janë izoluar disa fshatra si Qinam Radovickë, zona e Frashërit etj.

Ura e Orgockës u riparua reth 2 vite më parë, në kohën e zgjedhjeve lokale. Me sa duket, jetëgjatësia është llogaritur sa për të kaluar një fushatë elektorale.