Shkeli urdhrin e vetëkarantinimit, shoqërohet në polici këngëtari i njohur
Këngëtari i njohur kosovar Shkelzen Jetishi është shoqëruar në stacionin e policisë se Gjakovës pasi ka shkelur urdhrin e autoriteteve për të mos dalë nga shtëpia si masë mbrojtëse kundër infektimit dhe përhapjes së COVID-19.
Bëhet me dije se Jetishi është shoqëruar në polici dhe më pas është lënë i lirë pasi ka premtuar se do e repsektojë masën e vetëizolimit.
Këngëtari u urdhërua të vetëizolohej, pasi ishte parë afër këngëtarit tjetër nga Gjakova Muhamet Sejdiu, i cili rezultoi pozitiv në testin për koronavirus.
Ndërkaq kujtojmë se në Kosovë numri i të infektuarve ka shkuar në 31 si dhe është shpallur gjendja e jashtëzakonshme.
Rasti i fundit i konfirmuar ka qenë një 31 vjeçar nga Malisheva, komunë që ka patur edhe raste të tjera me të prekur nga koronavirusi.
Keni një histori? Denonco anonimisht, identiteti juaj mbrohet.
Denonco
