Shkodër/ Në orën 11:00 protestë nga shoqëria civile

Për ditën e sotme në orën 11:00 në qytetin e Shkodrës është paralajmëruar një tjetër protestë për vrasjen e Klodian Rashës. Bëhet me dije se kjo protestë është thirrur nga shoqëria civile.

Ndryshe nga një javë më parë, ditën e sotme vihet re se shumë efektive policie kanë rrethuar institucionet kryesore të qytetit. Kujtojmë se një javë më parë në këtë qytet protesta nisi paqësore por më vonë një grup të rinjsh shkatërruan dhe dogjën çdo gjë të selisë së Partisë Socialiste.