Urdhri i dy ditëve më parë nga kryeministri Edi Rama për mos lejuar lëvizjen e këmbësorëve pas orës 18:00 jo vetëm që nuk rregulloi gjë por krijoi më shumë kaos.
Nën “presionin” e orës, qytetarët dynden të dalin sa më shumë.
Pas pamjeve të publikuara nga Tirana, mbushur plot me njerëz, këto janë pamjet që përcjell nga Shkodra gazetari Simon Shkreli.
“Në Shkodër siç duket po presim të na bëhen arkivolat stivë për t’u ndërgjegjësuar. Nuk është Dita e Luleve as 1 maji o njerëz eshte Virus që shkakton vdekje. Kuptojeni se po rrezikoni veten dhe të tjerët. Po luani me jetën tuaj dhe të tjerëve. RRI NË SHTËPI”, bën apel gazetari i shqetësuar nga këto pamje!
