Shkodër/ Rama mbledh ministrat e kryebashkiakët e majtë , llogari për punën e bërë

Ditën e sotme, kryeministri Edi Rama, ashtu siç edhe e kemi raportuar më herët, do të mbledhë kabinetin qeveritar dhe kryebashkiakët e majtë në Shkodër, ku do të bëhet një analizë e thelluar për punën e bërë.

Pritet që Rama t’u kërkojë llogari të vetëve për punën e bërë në terren.

Takimi do të nisë në orën 10:00 me fjalën e kryeministrit Rama. Pritet që të bëhet një analizë e thellë financiare dhe në ‘sitë’ do të kalojnë edhe projektet e BE, shërbimet, si edhe burimet njerëzore.

Ndërsa në orën 12:00 është parashikuar një tryezë e hapur me anëtarë të kabinetet qeveritar, kryebashkiakë dhe drejtues të agjencive, mbi disa tema, si shëndetësia, bujqësia, arsimi, mjedisi, siguria, infrastruktura etj.

Mbledhja pritet të përfundojë në orën 17:30 e fjalën e kreut të qeverisë.