Shkruar nga: S Shtjefni | Publikuar më: 07.04.2023, 16:52

Sot në një lokal në Shkodër, pranë Poliklinikës së qytetit, Aldo Hasani, 18 vjeç plagosi me thikë 3 adoleshentë. Këta të fundit janë identifikuar si Xhejson Plepi 17 vjeç, Ersid Tula 16 vjeç dhe Kledis Hoxha 16 vjeç, të cilët ndodhen në spital, aty ku po marrin mjekimin e duhur.

Ndërkohë bëhet e ditur se një prej të plagosurve është në gjendje të rëndë dhe është futur me urgjencë në sallën e operacionit. Konflikti u regjistrua për motive të dobëta por ende nuk dihet konkretisht se për çfarë arsye. Sherri brutal mes të rinjve nisi rreth orës 12:30 në një lokal në lagjen “Qemal Stafa” në Shkodër. Autori i ngjarjes, Aldo Hasani, 18 vjeç, është shpallur në kërkim nga policia pasi akuzohet për plagosjen e 3 personave.