Shkodra përcjell ‘Mjeshtrin e Madh’ Kujtim Alija

Në qytetin e tij të lindjes, Shkodër, i janë bërë këtë të shtunë nderimet e fundit dirigjentit të njohur dhe drejtuesit të famshëm të festivaleve për fëmijë, Kujtim Alija.

Ka qenë  bashkia e qytetit që ka organizuar një kortezh në kujtim të dirigjentit, i cili u nda nga jeta një ditë me parë nga një sëmundje e rëndë në moshën 60-vjeçare.

Kortezhi parakaloi i shoqëruar nga banda frymore e qytetit nga qendra kulturore e fëmijëve ku edhe Alija, kontribuoi për shumë vite deri tek teatri “Migjeni”.

Familjare, të afërm, miq të muzikës dhe qytetare te Shkodrës bashke me bandën frymore shoqëruan kortezhin në nderim të emrit te madh te muzikës shqiptare, Kujtim Alija.