Një makinë që po transportonte 4 refugjatë sirianë ka dalë nga rruga dhe ka përfundur në Kanal, në dalje të Korçës.
Sipas njoftimit të policisë, drejtuesi i mjetit nuk i është bindur urdhrit të policisë për të ndaluar dhe ka humbur kontrollin.
2 nga refugjatët kanë marrë plagë të lehta dhe janë transportuar drejt spitalit.
Policia ka arrestuar drejtuesen e mjetit që nuk iu bind urdhrit të policisë.
Njoftimi i Policisë:
Korçë/Informacion paraprak
Më datë 27.02.2020, rreth orës 21:25, në rrugën Dishnicë-Çiflig, shtetasja F. D., duke drejtuar mjetin tip “Citroen”, ka dalë nga rruga ku për pasojë janë dëmtuar dy shtetas të huaj, pasagjerë në këtë mjet, të cilët u dërguan në Spitalin e Korçës, ku ndodhen nën kujdesin e mjekëve.
Drejtuesja e mjetit, është shoqëruar në ambientet e Komisariatit për veprime të mëtejshme proceduruale.
Grupi hetimor po punon për sqarimin e plotë të rrethanave të ngjarjes.
