Shoqata e Arbitrave reagon për dhunimin e arbitrit

Ditën e sotme ka reaguar shoqata e arbitrave shqiptarë pas dhunimit të arbitrit Elis Pulaj në stadiumin e Delvinës.

Arbitri u godit me gurë në dëshirën e kategorisë së dytë Delvina-Albpetroli, ditën e djeshme. Gjthashtu kujtojmë se pas incidentit edhe ndjeshja u ndërpre.

Në deklaratën e Shoqatës së Arbitrave kërkohej drejtësia dhe që për ngjarjen të merrej vendimi i duhur nga autoritetet përkatëse.

Reagimi i Shoqatës së Arbitrave:

Bashkimi Arbitrave Shqiptar të Futbollit shpreh shqetësimin e thellë për incidentin e ndodhur sot në ndeshjen e Kategorisë së Dytë, Delvina-Albpetroli, dhe dënon sulmin e dhunshëm ndaj gjyqtarit Elis Pulaj.

BASHF shpreh solidaritetin më të fortë me gjyqtarin Pulaj dhe, duke i uruar atij shërim sa më të shpejtë, kërkon reagimin e menjëhershëm të organeve kompetente për ndalimin e autorëve të dhunës dhe vënies para përgjegjësisë penale.

Gjithashtu, u bëjmë thirrje klubeve të futbollit që të marrin të gjitha masat për të parandaluar akte të tillë të turpshme. Ne nxisim lojën “fair play” dhe theksojmë me forcë se dhuna nuk ka vend në futboll.