Shpërblim mbi rrogën për personelin shëndetësor: 1000 euro shtesë për mjekët dhe infermierët, 500 euro për sanitarët dhe shoferët,

Gjithashtu Rama ftoi edhe mjekët që janë në pension të bashkohen me personelin mjekësor, ndërsa konfirmoi se do të paguheshin 1000 euro mbi pension të gjithë ata mjekë në pension që kontribuonin në këtë ‘luftë’ kundër koronavirusit.

“Personeli shëndetësor është i jashtëzakonshëm, e treguan veten edhe në fatkeqësinë e madhe të 26 nëntorit.
Sipas parashikimit dhe sipas meritës kemi vendosur që të gjithë personelin mjekësor, të angazhuar në sistemin e vijës së parë në luftën frontale me koronavirusin, nga autoambulancat  që shkojnë për vendosjen e tamponave dhe  marrin analizat.
Mjekët dhe infermierët  do ti paguajmë 1000 euro plus në muaj deri në mbarimin e epidemisë, sanitarët dhe shofërët 500 euro plus.
Kjo është koha që eksperienca dhe kthjelltësia janë pasuria më e cmuar.
Edhe ata që janë ende në formë por që kanë dalë në pension do të paguhen 1000 euro mbi pensionin e tyre për të kontribuar në këtë luftë.
Nuk e zmadhoj kërcënimin e kësaj epidemie.
Por është epidemi që ka kapacitëtin të marrë jetë njerëzish”, tha Rama.