Shqiptarët nisin plazhin edhe pse deri tani është e ndaluar

Edhe pse është ende e ndaluar të bëhet plazh për shkak të pandemisë së koronavirusit, shqiptarët e kanë nisur plazhin.

Siç shihet në fotot më poshtë nga Golemi, të shkrepura nga LSA, plazhi është i populluar nga mosha të ndryshme.

Adoleshentë, vajza të reja, çifte, të moshuar i janë drejtuar bregut të detit këtë të hënë për të marrë rreze diell.

Ajo që vihet re është se të gjithë janë pa çadra, por disa me shezlongë e disa shtrirë në rërë e disa bëjnë shëtitje.

Kryeministri Edi Rama njoftoi të dielën se nga 10 qershori do të lejohet plazhi për të gjithë qytetarët, ndërsa nga e hëna tjetër e 1 qershorit, vetëm për hotelet që do presin turistë.