Shqipëria anëtare e NATO-s prej 11 vitesh, Basha: Në këto ditë të vështira, ne nuk jemi vetëm

Sot mbushen 11 vite nga anëtarësimi i Shqipërisë në NATO.

Lideri i Partisë Demokratike, Lulzim Basha, në një postim në rrjetet sociale thotë se kujton me krenari punën dhe përkushtimin e jashtëzakonshëm të qeverisë në ato vite për këtë arritje historike për të gjithë ne shqiptarët.

“Ndonëse sot po kalojmë ditë të vështira, ne nuk jemi vetëm. Bashkë do tia dalim! E keqja do kalojë dhe ne do të ngrihemi më të fortë!”, shkruan Basha.

POSTIMI I PLOTE

Të dashur bashkëqytetarë, sot u mbushën 11 vite nga anëtarësimi i Shqipërisë në NATO. Unë kujtoj me krenari punën dhe përkushtimin e jashtëzakonshëm të qeverisë në ato vite për këtë arritje historike për të gjithë ne shqiptarët.

Puna, përkushtimi dhe ndershmëria shpërblehen gjithmonë! Ndonëse sot po kalojmë ditë të vështira, ne nuk jemi vetëm. Bashkë do tia dalim! E keqja do kalojë dhe ne do të ngrihemi më të fortë! #WeAreNato #ditemetemira